Аб відэаканференцыі «Магчымасці гандлёва-інвестыцыйнага супрацоўніцтва паміж Рэспублікай Беларусь і правінцыяй Квазулу-Наталь у сферы тэкстылю і адзення»
01.04.2021 г.1 красавіка 2021 г. у фармаце відэаканферэнцыі адбыўся вебінар на тэму «Магчымасці гандлёва-інвестыцыйнага супрацоўніцтва паміж Рэспублікай Беларусь і правінцыяй Квазулу-Наталь у сферы тэкстылю і адзення». Мерапрыемства праведзена па ініцыятыве Пасольства пры падтрымцы гандлёва-інвестыцыйнага агенцтва паўднёваафрыканскай правінцыі Квазулу-Наталь (TIKZN).
Падчас вебінара намеснік старшыні канцэрна „Беллегпрам” Ламкоў В.У. прадставіў паўднёваафрыканскім бізнесменам патэнцыял беларускай лёгкай прамысловасці. З прэзентацыямі выступілі прадстаўнікі РУВГП «Аршанскі льнокамбінат», ААТ «Камволь», ААТ «Магатэкс», ААТ «Прамень». З паўднёваафрыканскага боку былі прадстаўлены кампаніі, якія працуюць у сферы паставак ільняной прадукцыі, пашыву адзення і абутку, дызайнеры. Колькасць удзельнікаў мерапрыемства склала 18 чалавек.
Падчас відэаканферэнцыі выступіў Надзвычайны і Паўнамоцны Пасол Рэспублікі Беларусь у Паўднёва-Афрыканскай Рэспубліцы Сідарук А.Д. па пытаннях супрацоўніцтва кампаній дзвюх краін у галінах лёгкай прамысловасці, дасягнуты дамоўленасці аб далейшых прамых кантактах паміж бізнесменамі Беларусі і правінцыі Квазулу-Наталь.
На 15-16 красавіка 2021 г. запланавана сустрэча Пасла з Прэм'ерам правінцыі Квазулу-Наталь С. Зікалалай, падчас якой будуць абмяркоўвацца магчымыя новыя сферы двухбаковага супрацоўніцтва.
Правінцыя Квазулу-Наталь з'яўляецца другой па колькасці насельніцтва правінцыяй ў ПАР (11,5 млн. чалавек), уклад у УВП краіны складае каля 16 адсоткаў (займае другое месца сярод дзевяці правінцый па эканамічных паказчыках).
