Аб відэаканферэнцыі па выкананні Плана мер па нарошчванні экспартных паставак на рынкі краін Афрыкі ў 2021 годзе
15.12.2021 г.15 снежня 2021 г. Надзвычайны і Паўнамоцны Пасол Рэспублікі Беларусь у Паўднёва-Афрыканскай Рэспубліцы Аляксандр Сідарук прыняў удзел у відэаканферэнцыі, падчас якой разгледжана выкананне Плана мер па нарошчванні экспартных паставак айчынных тавараў і паслуг на рынкі краін Афрыкі ў 2021 годзе ў частцы ПАР.
Мерапрыемства прайшло пад кіраўніцтвам Міністра прыродных рэсурсаў і аховы навакольнага асяроддзя Рэспублікі Беларусь Андрэя Худыка, які з'яўляецца замацаванай за ПАР службовай асобай.
Пасол праінфармаваў удзельнікаў відэаканферэнцыі аб сучасным сацыяльна-эканамічным становішчы ў Паўднёвай Афрыцы, падвёў папярэднія вынікі гандлёва-эканамічнага супрацоўніцтва паміж дзвюма краінамі ў 2021 годзе, абазначыў асноўныя задачы на наступны год.
У мерапрыемстве прынялі ўдзел прадстаўнікі 13 арганізацый і прадпрыемстваў, якія ажыццяўляюць узаемадзеянне з паўднёваафрыканскім бокам.