Аб сустрэчы Пасла А.Сідарука са Старшынёй Панафрыканскага парламента
20.10.2022 г.19 кастрычніка 2022 г. адбылася сустрэча Надзвычайнага і Паўнамоцнага Пасла Рэспублікі Беларусь у Паўднёва-Афрыканскай Рэспубліцы (у Рэспубліцы Зімбабвэ па сумяшчальніцтве) Сідарука А.Д. са Старшынёй Панафрыканскага парламента Форчунам Чарумбірай.
У ходзе сустрэчы Пасол выказаў зацікаўленасць Рэспублікі Беларусь у развіцці ўсебаковага супрацоўніцтва з краінамі афрыканскага кантынента і пацвердзіў гатоўнасць максімальна садзейнічаць аднаўленню кантактаў паміж Нацыянальным сходам Рэспублікі Беларусь і Панафрыканскім парламентам.
У якасці магчымых шляхоў і форм супрацоўніцтва абмеркаваны абмены візітамі і атрыманне статусу наглядальніка для Нацыянальнага сходу Рэспублікі Беларусь пры Панафрыканскім парламенце.
На сустрэчы таксама быў закрануты двухбаковы беларуска-зімбабвійскі парадак дня. Ф.Чарумбіра з'яўляецца зімбабвійскім сенатарам і вядомым палітычным дзеячам. Пасол выказаў зацікаўленасць у развіцці міжпарламенцкага дыялога, праінфармаваў субяседніка аб плануемых палітычных кантактах і праектах у гандлёва-эканамічнай сферы.