Аб адкрыцці Пасольства ў Рэспубліцы Зімбабвэ
12.07.2022 г.
11 ліпеня 2022 г. Пасол Аляксандр Сідарук правёў урачыстую цырымонію адкрыцця Пасольства Рэспублікі Беларусь у Рэспубліцы Зімбабвэ, горад Харарэ.
У сваім выступленні Пасол адзначыў, што дзякуючы адкрыццю Пасольства Беларусь і Зімбабвэ стануць яшчэ бліжэй, што дасць магчымасць прадоўжыць эфектыўную работу на карысць народаў абедзвюх краін.
У цырымоніі адкрыцця таксама прынялі ўдзел Міністр замежных спраў і міжнароднага гандлю Рэспублікі Зімбабвэ Фрэдэрык Шава, прадстаўнікі дзяржаўных структур, Парламента Рэспублікі Зімбабвэ і дыпламатычнага корпуса.
